Колхозонь эряф/1941/01/Эсь прянь шнафтома

←

Колхозонь эряф (1941), № 1 Январь
edited by Игнатьев Г. А.

Эсь прянь шнафтома by
авторсь: Чехов, Антон Павлович, мокшекс ётафтозе: Аф содаф (аноним)

→

Колхозонь эряф. Эрь ковонь литературно-художественнай и общественно-политическяй журнал. Мордовскяй Советскяй писателень союзть органоц. — № 1 Январь 1941. — с. 41—42

276440Колхозонь эряф (1941), № 1 Январь — Эсь прянь шнафтома1941
авторсь: Чехов, Антон Павлович, мокшекс ётафтозе: Аф содаф (аноним)

[ 41 ]

Эсь прянь шнафтома

Йофкс

Фкя ёню, многоуважаемай, участковай приставть ульсь фкя дурной обуцяц, а именна: ащемок компанияса, сон кельгозе фалендаманц эсь дарованиянзон мархта, конада, эряви азомс тейнза видеста, ульсь сонь пяк лама. Сон фалендась эсь ёненц, энергиянц, виенц, эсь лацонза мыслянзон азондомаснон мархта и прочайса.

— Мон вииян! — корхнесь сон. — Мялезе — подкавть синдьса, мялезе — ломанть ям мархта сивса... Могу и Карфагентьке срафтомс и Гордиевонь сюлмонзонга мечса керсемс. Вов кодаман мон!

Сон фалендакшнесь, и сембе лангозонза дивандасть. К несчастью, приставсь косонга изь аделакшне курс и изь лувонда прописть: сон ашезе сода, што эсь прянь шнафтомась и гордостсь аф сатыкст, конат аф достойнайхть благороднай ваймоти. Но случайсь ёнияфтозе сонь. Весть сон сувась другонцты, брандмейстер атяти, и, няемок тоста пяк лама ломань, кармась фалендакшнема. Симомок ни колма рюмкат вина, сон тетькозень сельмонзон и мярьгсь:

— Ванода, ничтожнайхть! Ванода и ёнияда! Шись, конац вов менельса лама светиланзон и туцянзон мархта! Сон моли востокста западу, и киндиге аф полафтови сонь киц. Тейне жа полафтови! Полафтови!

Брандмейстер атясь венептсь тейнза нилеце рюмкать и мярьгсь ялгакс:

— Верондан! Ломанень ёнти аш мезевок стама, штоба афоль тиев. Тя ёнць сембонь ётазень. Тейнза и подкавське синдеви, каланчавок менельть серьса строяви и кулофть кядьста взяткавок сявови... Сембонь тисыне! Но, Петр Евтропыч, аф виздян тейть азомс, ули фкя, кона аф сяскови аф аньцек ломанень ёнти, но нльне и тонь вийцендиге.

— Мезе жа ся тяфтамсь? — безярдезь мзолгодсь эсь прянь шнафтысь.

[ 42 ]— Тейть сембе сясковихть, но аф сяскови эсь пряце. Да-с! „Гноти се овтон“, — корхнесть сире пингонь ломаттне, — содак эсь пряцень. А тон эсь пряцень содамс, сяскомс не можешь. Эсь природацень каршес аф туят. Да-с!

— Аф, туян! И эсь прязеньге сяскса!

— Ой, аф сясксак! Верондак атяти, аф сясксак!

Кеподсь спор. Аделавсь стане, што брандмейстер атясь вятезе гордецть ёмла лавканяс и мярьгсь:

— Сейчас мон няфтьса. Вов тя лавочникть тя шкатулкасонза ащи кемонь цалковайхть ярмакоц. Кда тонь эсь пряце сяскови, то тяйть сяве ня ярмакнень.

— И афи сявсайне! Сяскса!

Гордецсь путозень крест-на-крест кядензон мяштезонза и сембонь пингста кармась эсь прянц сяскондема. Куватьс сон тюрсь и страдандась. Пяле частошка тетькондезень сельмонзон, якстерьготкшнесь, крмоштакшнезень клоконзон, но мельдень пети, ашезь кирде, машинальна венептезе шкатулкав кяденц, таргазе кемонь цалковайть и трнатозь навазе сонь эсь зепозонза.

— Да! — мярьгсь сон. — Тяни шарьхкодьса!

И тяда меле сон мзярдонга ни ашезь фалендакшне эсь вийнц мархта.

1884.

This is a translation and has a separate copyright status from the original text. The license for the translation applies to this edition only.

Original:

This work was published before January 1, 1929, and is in the public domain worldwide because the author died at least 100 years ago.

Translation:

This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:

it was anonymously published before January 1, 1954 (more than 70 years ago).

This work is in the public domain in the United States because it was first published outside the United States (and not published in the U.S. within 30 days), and it was first published before 1989 without complying with U.S. copyright formalities (renewal and/or copyright notice) and it was in the public domain in its home country on the URAA date (January 1, 1996 for most countries).
This work was in the public domain in Russia on the URAA date January 1, 1996, according to the Law 09.07.1993 No 5351-1 which was enacted on that date:

it was anonymously published before January 1, 1946 (more than 50 years ago from 1/1/1996).

This anonymous or pseudonymous work is also in the public domain in other countries and areas where the copyright term of anonymous or pseudonymous works is 82 years or less since publication.