Якстере теште/1924/03/Ули ли лезэзэ эрзень букваренть?
| ←Косто кевстемс превть | Якстере теште, № 3, 11 февраля 1924 г. Ули ли лезэзэ эрзень букваренть? |
Эряви содамс вейкенк-вейкенк эйстэ→ |
| Якстере теште. Еженедельный орган мордовской секции при Ц. К. Р. К. П. (б.). — № 3, 11 февраля 1924 г. — с. 3 |
| Ули ли лезэзэ эрзень буkваренть? |
Меля лисць эрзень букварь „Тундонь чи“ Весимезэ эйстэндэ ульнесь печатазь 20.000, конат кучнезь эрзень учильнятнень ланга. Ютась уш ламо шка. Те порас эще вейкеяк эрзень учитель эзь сермадт а газетс а наркомпросов, кода моли тевезэ букваренть марто. Ули ли сондэ кодамояк лезэзэ?
Ней Якстере Тештенть редакцияв кармасть сакшномо сермат велень эрзень пельдэ, штобо кучомс тест эрзень букварь.
Букваренек весе, ней минь аздатоно, эреви ли печатамс истят букварьть эще.
Мекс жо кашт молить учительтне? Мекс жо сынь аефтасызь, кода сынь думить, эряви ли те букваресь, ули ли лезэ сондэ эйстэ? Если ули, то сондэ эряви эще печатамс и кучомс, штобо сатост весенень.
А можот сондэ лезэзэ арась? Сестэ аэряви больчи печатамс.
Ефтасызь ли эрзень учительтне сынцист валост, эли кашт молеме кармить нейгак.
Панджинк кургонк, учитель ялгат.