Якстере теште/1924/04/Учильнень тевть
| ←Сельско-хозяйственной кредитной товариществат | Якстере теште, № 4, 15 февраля 1924 г. Учильнень тевть by Вялень эрзя |
Учильщанок панджинек→ |
| Якстере теште. Еженедельный орган мордовской секции при Ц. К. Р. К. П. (б.). — № 4, 15 февраля 1924 г. — с. 2 |
| МЕСТЬ СЕРМАДЫТЬ ВЕЛЕСТЭ |
| Учильнень тевть. |
Вейке покш орма уле велиса кона те шкас ишо апак пичкафт.
Се ормась — тонафниме тевись. Икеле иетьнень эйстэ те тевись берениль секс, што учительтьне вачудольт, конев и кинигат арасельть и рамамскак ульнесь а косто. Ней жо тевись аште аламодо лиякс. Кода теизь те расходоньть уезднойкс, авуль государственнойкс, то учительтьнень эрямочист седе паркстомсь. Кузнецкой уездсэ Сарат. губ. учительтьне кармасть получамо почти зняро, зняро получасть войнадо икеле Но яла теке тонафнима тевись аште береньста. Мекс истя? Учительтьнень эрямост седе паркстомсь, учильстятьне лембеть, кинигат уле косто рамамс.
Но вейке покш беда — кинигат эрявить рамамс пакшетьненинь эстест. Мон думан, — те тевись витиве сестэ кода тонафтума пелькст (кинигат, конев крандэшт) карметь велень учильстяв кучнемс уездста или волость карме рамама, но анцяк авуль сыньць пакшетьне. Ведь улить пакшат, конань тетяст беднойть и конанинь авуль кинигат, но и крандашкак а рамаве, а сюпавоньте рамаве, но сон а раме — сынест а эряве. Если пакшеньть соньцинзэ уле кинигазо, сон ялгансты а максцы, а если максцы, то сонзэ тятяза или аваза мурнисы. Если же уливельть велень кинигат, то хоть аламо, но сынст эзга тонафнивельть весе пакшетьне и тонафнима тевись молевель седе икелев.
Тонафниме тевись витиве сестэ, кода весе учильстень расходось уле уездной или хотьволостной.
Вялень эрзя.