Якстере теште/1924/12/Ташто Дема велисэ
| ←Берень тетень-авань пример | Якстере теште, № 12, 26 апреля 1924 г. редактор Васильев, Тимофей Васильевич Ташто Дема велисэ |
Тона чисэ паро ули→ |
| Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 4 |
| Ташто Дема велисэ. |
18 чистэ март месецтэ ульнись митинг ловнома кудосонть, косо ульнисть кортыцят, конат ефнизь, мезе означает те чись и мейс те чинть праздновасызь. Эрьва кортыцядо мейле струнный оркестр морась „Интернационал“. Те митинганти ульнись ефнезь эрьва кудос, а ломатне пек аламо ульнисть даже политпросветительной организациень члентнэ эсть моли пеледест ламу, конанень виськс бу улималь. Ульнисть вишка церынеть, а тейтирть арасилть вейкияк. Миник велисэ аватне мезияк а бажить содамс эсь праваст, а яла кортыт, что сынь должны мирдист туртув сюконякшномс, хотя можот эрьва чине мирдизэ эйсынзэ скотина лацо чави. Не аватне истяжо тейтиристкак превс путыть. Сермас тонавтниме а нолдыть, а кона и моливель бу ловнома кудов, то авазуяк тетязуяк мурнисызь. — „Ков молят се верченой кудунти, тосо превс а тонавтадызь“.
Церынетнень аволь аламо чавсть ловнома кудов якамонь кись. 7 иеть моли уж революциень койть, а минек велисэ яла анцяк кирдить попонь кедь, а сынцист эйкакшост туртов паро а арцить. Эрявуль бу кодаяк еще истят содыця ломать, конат могли бу кортамс не чопода ломатьнинень и путумс паро превс. Сынцист велень ломань.