Якстере теште/1924/13/Эрзень келесь седе чарькодиве
| ←Учебникень таркас "Якстере Теште" | Якстере теште, № 13, 11 мая 1924 г. редактор Васильев, Тимофей Васильевич Эрзень келесь седе чарькодиве сёрмадызе Содыця |
Почтовый ящик→ |
| Якстере теште. Еженедельный орган мордовской секции при Ц. К. Р. К. П. (б.). — № 13, 11 мая 1924 г. — с. 2 |
| Эрзень келесь седе чарькодиве. |
Омбоце месец моли, кода минек училищас кучнить газет „Якстере Теште“. Эйкакшнэ пек радувакшныть, кода сыть не газетнэ. Сынь анцяк ловныть газет эсист кельцэ, а рузонь газет сыненст а ловновить. Эйкакшнэ газетнэнь сайнисызь кудов, а тосо ловныть сынь покшнынень.
Минек Батуш велесэ ней весе содасызь „Якстере Тештенть“. Ламо улить ловныцят аволь анцяк цёрат, тейтертькак ловныть эйсынзэ. Аволь пек умок сакшность монень тейтерть и кевкснесть кецтэм „Якстере Теште“.
Вицтэ ёвтамс — улить истяткак эрзя ютксо, конат мереть: „Мон ловновлинь, ды пек стака ловномась“. Мон кевкснян яла, косто сон седе ламо чаркоди — эрзянь эли рузонь газетстэ. Весе мереть — эрзянь газетстэ. Кода тосо валтнэ иляст улть сермадозь, яла теке чаркодиветь. Рузонь газетсэ жо а валт нацяк, веси статьясь лиясто пачк а чаркодеви.
Содыця.