Минек масторцо уле
Атигей эрзень веле.
Велисэ эрить эрзят,
Ащить кудот вете сядт.
Вейке поп тосо эри,
Самогондо копори.
Ну те лангс минь авантам,
Воля сонензэ макстам.
Коть аламодо симиця
Зато-церковань ловныця:
Обидня парсте моры,
Ловкасто реветь нары,
Попадьязо як паро, —
Эчкэ пеке сюкоро.
Попонь марто сон баси,
Ков попось сырги лиси
Тей молемс якамс аен,
А паро неин пек он.
Комунист тесэ эрить,
Пурнамодо а мерить.
Тов молемс бу пек паро,
Тосо як ули сардо.
Ков иля велявт улить
Сельме лангсо моргинить.
Ащик ва! ды мон муинь.
Вальмава сейчас неинь:
Од ломань тезэй эль сы,
Затылканть сурцо езы.
Алкукс как эрьзя совась,
Благодатень гис сон кандсь:
Кавто од парт карцимат,
Ушуды парт кортнимат.
Венчеямонь кис кортни
Карцимат тензэ максни.
Истя попось и эри
Ки понги, сень котськери,
Петрань кецтэ а сайсы —
Дригань парсте ваткасы.
