Якстере теште/1924/16/Од закон единый сельско-хозяйственный налогонть кувалт

←Вейсы-вий

Якстере теште, № 16, 10 июня 1924 г. редактор Васильев, Тимофей Васильевич Од закон единый сельско-хозяйственный налогонть кувалт сёрмадызе М. Калинин, А. Цюрупа, А. Енукидзе

Ловнома кудутниде→

Якстере теште. Еженедельный орган мордовской секции при Ц. К. Р. К. П. (б.). — № 16, 10 июня 1924 г. — с. 3

 

[ 3 ]

 

Од  закон  единый  сельско-хозяйственный

налогонть  кувалт.

 

Кить пандыть налогонть

Единый сельско-хозяйственный налогонть пандыть весе: и коллективной озяйстват, и советской хозяйстват, их башка ломанень хозяйстват.

Налгдо башка саить ещеанцяк велин росхоц. Больше кодамояк налог кияк сайме а карми.

1) Примечания: Улиньдерейть ломаненть еще кодаткак доходонзо модадо башка, например торговлядо, сестэ ломанесь тень кис-как панды налог.

2) Примечания: Будимкс городга эрицетне вететь велинь хозяйства косояк город маласо (анцяк а гороцо), сетне пандыть кавто налогт: пандыть велинь хозяйстванть кис ды пандыть городской налогненгак.

Мезе лангс ванозь саить налогонть.

Налогонь саимстэ ваныть, зяро ломаненть ули пашнязо ды скотиназо. Налог ловныть десетина пашнень кис, а скотинатнень тожо модань таркас аравсызь.

Примечания: Будимкс хозяйстванть модазо арась, ули анцяк скотиназо, сестэ скотинанть ловносызь модань таркас и зяру десетинат лисить, сетнень кис и пандыть налог.

Налогонь пандумо кармить сеть модатнень кис, конат видезь яровой эли озимой сюросо, посевной тикшисэ, эли конат ащить парина ало.

Истяжо ловносызь садтнынь, пиритнень ды сенакоснэнь.

Скотинатнень кармить ловномост: алашетнень ды букатнень, конатнень топоцть 3 иест, ды скалтнынь.

Кода путыть налогонть коллективень и башка хозействатнинь лангс.

Эрьва хозяйстванть пельде саить налог пашня ды скотина лангс ванозь. Теде башка ваныть и се лангс, зяро хозяйстванть ярцыцянзо, кодамо ульнесь урожаесь те иестэ и виев эли авиев хозяйствась.

Десетина моданть кис а весе вейкицтэ кармить пандумо налогонть. Улить таркат, косо ве ярцыцень пряс модась саты зняро, лия таркасо седе ламо, колмоце таркасо седе аламо. Истяжо скотинатне мартояк. Секс пандумояк кармить авейкицтэ, кармить ванумо, зяро ве ярцыцень пряс саты пашнесь ды скотинась. Те лангс ванозь и теить колмо разрядт десетина пашнентень.

Губернетнеяк пандыть авейкицтэ. Сыненсткак теить разрядт урожаень коряс.

Если например Нижегородской губернесь понгсь колмоце разряц, а кодамояк уездэнь эли волостень урожаезэ ульнесь седе берень и сонзо виезэ а саты пандомс налогось се разрядонть коряс, сестэ Губисполком может налогонть путомо лангозонзо седе аламо, анцяк весе губерненть пельде пурнавозо зняро, зяро путозь лангозонзо.

Примечания: Будимкс уездгаяк урожаесь ули сёрмав, сестэ уездный Исполком веливаяк может вишиньгавтомонзо налогонть.

Единой налогонтинь поладыть налог уездной, волостной нужа ланг.

Велинть росходонзо ламо. Эряви кирдимс и школа, и больниця, эрявить теивтимс якамо китне ды сэдьтне, эряви велинь амбар и лият месть. Неть расходтнэнь вететь анцяк велинь ярмак лангс. Сынст пурныть сюросо единый сельско-хозяйственный налогонь марто. Неть росходтнэ а совить налогонтень, анцяк налогонть лангс каить зярояк процент.

Кодамо процент эряви путомс велинь росхоц, мере сонць Совет Народных Комиссаров эрьва губернентень башка.

Те процентной поладовксонть может вишиньгавтумонзо Губисполком, будимкс улить истят уездт эли волость губерненть эйсэ, конатнень виест а саты пандумс веси надбавканть. Губисполкомонь улить истят праванзо, анцяк весе губерненть пельде пурнавозо надбавканть зняро, зяро мерць Совет Народных Комиссаров.

Ули сёрмадозь особой положения, конань коряс мейле кармить максниме те сюронть велинь нуждас.

Те процентэнть саить эрьва хозяйстванть пельде и, кода уж ульнись мерезь, пурныть сонзо вейсэ сельскохозяйственной налогонть марто. Сонзо истяжо, налогонть лацо, сёрмацызь окладной листэнтень.

Кинень и кодат улить льготат сельскохозяйственной налогонть пандумсто.

Чтобу виивстимс велинь хозяйствась ды чтобу седе кармавтомс крестьятнэнь моданть мельга якамо истя, кода мере наукась, тейсть льготат налогонь каямсто.

Овсе а пандыть:

Сеть модатнень кис, конатнень лангсо видезь посевной тикше, корнеплодт, например турнепст, кормовой секлат, кода тонавты наукась.

Ниле иеть а пандыть сеть модатнень кис, козо озавтнисть сад.

Лугань участкань кис, конань явизь обществасто производителень андомо, будимкс те лугась сатоць ве пря лангс 3 десетинадо а седе ламо.

Кодамо скотинань кис а саить налог.

Веси букатнень ды айгортнэнь кис, конат якить производителькс. Тень кувалт Народный Комиссариат Земледелия кучи правилат губернява и уездга.

Беси племенной скотинатнень кис, конат сёрмадозь (зарегистрированы) земельной учреждениясо до 1 апреля.

Амаштувикс модань кис налог а пандума.

Будимкс велинть ульнисть амаштовикс модат-болотат эли пек коське таркат, конатнень ютась иестэ налогонь каямсто эзизь сёрмадокшнояк, а те иестэ китькак неть модатнень теивтизь, например болотатнень костявтызь, коськ таркатненень нолдасть ведь и весе нетнень теизь сынцист ярмак лангс, сеть налог а пандыть неть модатнень кис колмо иень перть.

Улиньдерейть сенакост алка начко таркасо, конатнень кис ютась иестэ сайсть налог, а те иестэ хозеитнэ костявтызь се тарканть, сестэ истят лугатнень кис а пандыть налог ве иень перть.

Хозяйстватненень, конат 1921-23 иетнень эйстэ тейсть кодаткак улучшеният сынцист модаст лангсо, сетненень каясызь налогонть 10% неть модатнень лангсто. Тень кувалт тожо ули инструкция.

Общественной модань кис овсе а саить налог. Тень кувалткак кучить инструкция.

Переселенецт, конат озасть керезь виринь таркас ды модатнень урядызь пенькатнень эйстэ, овсе а пандыть налог 5 иень перть.

Переселенецт, конат озасть степной таркас, а пандыть налог 3 иень перть.

Будимкс вели, волость эли кодамояк хозеин ськамонзо вете хозяйстванть од койсэ, сень кис истятнэнень максыть награда.

Овсе а пандыть налогонть:

Сеть, канатнень арась скотинаст ды пашнясткак сатоць ве ярцыцень пряс не больше колмо четверть десетинадо. Косо налогонть ловныть овуль пашнень коряс — посевень коряс, сесэ налог а пандыть сеть, конатнень ве ярцыцень пряс сатоць посевесь не больше пель-десетинадо.

Сеть хозяйстват, конатнень арасть работыцяст, будимкс сынст скотинаткак анцяк ве пря ды ве ярцыцяс пашняст сатоць не больше ¾ десетинадо.

Хозяйстват, конатнень арасть робочей скотинаст ды пашнясткак ве ярцыцяс сатоць не больше ¾ десетинадо, истятнэ пандыть налогонть анцяк пелензэ.

Чтобу чождыньгавтомс налогонь каямонть инвалидэнь семеятненень ды сетнень, конатнень улить служицяст красной армиясо ды милициясо, эли улить тонавтницят совпартшколасо, коммунистической университетсэ эли рабфаксо — не семеятненень улить истят льготат:

Ярцыцень сермадомсто сермадцызь сетненьгак, конат те шкане служить армиясо эли милициясо. А сетнень, конат те шкане тонавтнить курсантокс эли служить красной армиясо командирэкс, сетнень кажноинть ловносызь кавто ярцицень кис.

Будимкс роботыцяст, кода уж ульнись кортазь, служи армиясо эли милициясо эли тонавтни косояк, а кудусо эзь кадоват роботыця цера, истятнэ овсе а пандыть а налогонть, а прибавканть будимкс ве ярцыцень пряс саты модась скотинаник мезник а седа ламо средней эрицень коряс.

Будимкс жо кудусояк кадувсь роботыця цера, сестэ истят хозяйстватне пандыть налогонть ды надбавканть анцяк пелензэ.

Хозяйстват, конатнень улить инвалидэст гражданской войнанть эйстэ мейле, эли красноармеецт, конатне течемс ащить пленцэ, истяжо салдатт, конатнень нолдызь безсрочнойкс 1923 иестэ март месецень ютазь, эли запаснойкс, конатнень мейле аравтнисызь военной инструкторск, эли тонавтницят совпартшколасо, коммунистической уневерситетсэ, рабфаксо, — истятнень льготатне улить секеть жо, кодат и действительной красноармеецень семятненень.

Хозяйстватненень, конатнень цераст те шкане саизь сборной пунктов военной обученияв, тейть отсрочка на 1 месяц церанть самудо мейле. Пеня а саить пелдест те шканть кис.

Сетненень, конат роботыть коллективсэ эли кооперативсэ, теить вана кодат скидкат:

Коллективнойтнень нилине часть, кооперативнойтнень кеминце часть, будимкс сынь роботыть сынць и роботник а сивидить.

Кинь аравтызь нологонь сайма тевинтень.

Чтобу седе валанясто молист налогонь пурнамо тевтне, губернява ды уездга теить налоговой комиссият, козо совить представительть Наркомфинынь пельде, Наркомземонь ды центральной статистической управлениень пельде.

Комиссиень тевинзэ вана кодат:

Сон карми ванумо, чтобу льготатне авулть понг кинен а эряви.

Комиссиесь арци уездга ды волостьга процентной надбавканть велинь нуждас и сон жо путы, кода эрьва таркантень ловномс скотинатне ды сенакосны пашнень таркас.

Сонензэ жо молить весе жалобатне налогонь кувалт.

Волисполкомонь ды сельсоветэнь тевист истят:

Сынь сермалить весе хозяйстватнень спискас, кинь зяро пашнязо, посевезэ, луганзо, скотиназо, ярцыцязо.

Кода ловносызь, зяро эряви пандумс эрьва хозяйствантень, сермацызь окладной листэнтень и окладнойтнень явшисызь пандыцетненень.

Весе налогонь тевтнень мельга сех икиле кармить ванумо волисполком ды сельсовет. Улиньдерейть кодаткак ошибкат, эли мезе эрявсь теемс, шкастунзо эзь теевть, теньгис как сех икиле ответ кевкстить волисполкомонь ды сельсоветэнь пельде.

Налогонь пандумантень теить срокт. Срокнень евтасызь к 1 августа. Налогонь пандумо эряви кармамс сескжо, кода максыть окладной листэнть. А пек виев хозяйстватненень тесэяк теить льготат.

Сёпамонь кис кармить судямо уголовноень лацо.

Конат шкастунзо а панцызь налогонть, сетнень тожо кармить судямост. Тень кувалт ули истямо положения.

Будимкс мужикинть пельде саить налогонть седе ламо сень коряс, зяро пельдензэ эряволь бу, сайме, сестэ сон может сермадомо жалоба. Истямо жалобанть эряви максомс финансовой инспекторнэнь, а сон уж пачтясы налоговой комиссияс.

Уездной налоговой комиссиенть лангс можна жалобамс губернской комиссияв.

Жалобанть кучумадо мейле налогонь пандуманть а лоткавсызь.

Председатель ЦИК.
Союза ССР. М. Калинин.
Зам. Председателя Совета Народ-
ных Комиссаров Союза ССР. А. Цюрупа.
Секретарь ЦИК.
Союза ССР. А. Енукидзе.

  Москва, Кремль,
30 апреля 1924 г.

Налогонь декретэнтень.
Кодамо губернява, кода ловномс пашнякс 1 десетина сенакосонть.

№№		Губернят.	1 десетина сенакос.
			Пашнякс
			Заливнойть.	Авуль заливнойть.
1		Башреспублика	½ дес.	⅓ дес.
2		Марийск. авт. обл.	½ дес.	⅓ дес.
3		Нижегородск. губ.	½ дес.	⅓ дес.
4		Пензенская         „	¾ дес.	½ дес.
5		Самарская           „	½ дес.	⅓ дес.
6		Саратовская       „	½ дес.	⅓ дес.
7		Симбирская        „	½ дес.	⅓ дес.
8		Татреспублика	½ дес.	⅓ дес.
9		Чувашск. авт. обл.	½ дес.	⅓ дес.

Председатель ЦИК.
Союза ССР. М. Калинин.
Зам. Председателя Совета Народ-
ных Комиссаров Союза ССР. А. Цюрупа.
Секретарь ЦИК.
Союза ССР. А. Енукидзе.

  Москва, Кремль,
30 апреля 1924 г.

Кодамо губернява кода ловномс пашнякс 1 пря скотинанть

№№		Губернят.	1 пря скотина.
			Алаша.	Бука.	Скал.
1		Башреспублика	1  дес.	0,5  дес.	1  дес.
2		Марийск. авт. обл.	1     „	0,5    „	1     „
3		Нижегородск. губ.	0,8  „	0,4    „	0,8  „
4		Пензенская         „	1,3  „	0,6    „	1,3  „
5		Самарская           „	1,3  „	0,6    „	1,3  „
6		Саратовская       „	1,3  „	0,6    „	1,3  „
7		Симбирская        „	1,3  „	0,6    „	1,3  „
8		Татреспублика	1,0  „	0,5    „	1,0  „
9		Чувашск. авт. обл.	1,0  „	0,5    „	1,0  „

Председатель ЦИК.
Союза ССР. М. Калинин.
Зам. Председателя Совета Народ-
ных Комиссаров Союза ССР. А. Цюрупа.
Секретарь ЦИК.
Союза ССР. А. Енукидзе.

  Москва, Кремль,
30 апреля 1924 г.

---

Те иестэ налогонть кармить ловомонзо ды пурнамонзо анцяк ярмаксо.