Якстере теште/1924/17/Пяндя удомс, - эрямс эряви
| ←Попонь инечи | Якстере теште, № 17, 19 июня 1924 г. редактор Васильев, Тимофей Васильевич Пяндя удомс, — эрямс эряви сёрмадызе Арювынь нуцька |
Вана кода эряви эйкакшнэнь тонавтомс→ |
| Якстере теште. Еженедельный орган Мордовской секции при Ц. К. Р. К. П. (б.). — № 17, 19 июня 1924 г. — с. 4 |
| Лия таркава. |
| Пяндя удомс, — эрямс эряви. |
| (Каменка, Бижбуляковской вол., А. Б. С. С. Р.) |
Минек велись весимиде покш. Эрить 282 кардаз 1800 ломань марто. Ташто пингева ульнесь двухклассной школа, конань эйстэ ламо лиссть эрзень учительть. Те велинтень, кода мереть, улималь бу развитойкс. А сон несак таго кода седеяк удалов кадовсь. Васня ульнись библиотекаст, косто од цёрат-тейтирть сайнисть книгат ловномс. Ней библиотекаст арась. Культурно-просветительной куракшост тожо арась. Вейкияк газета а нееть. Эрить дедаст-покштяст койсэ.
Месть тейнить од ломатне? — Самогондо симить ды улицява дураськалить.
Но, кода руснэ мереть „арась берень паро тевтеме“, вана мезинь кувалт народось тусь мелезэм: ульнинь сынст пуромкссо. Пуромкссо ульнисть и сыре и од ломать. Кортынь эрзень „Якстере Теште“ газетанть эйстэ. Вейкинь пес пуромксось дружнасто кармась арсиме, кода бу сёрмадстомс эрзень газета. Мерсть, чтобо комитет взаимопомощи сермадстуволь сыненст „Якстере Теште“.
Те пуромксось ульнись март месецтэ, а комитетэсь уды и газетанть онстонзояк а несы сонць и велинтеньгак а невцэ.
Арювынь нуцька.
Редакциянь пельде: Каменкань эрзят! Явавтынк комитетэнь удоманть. Тынстеминк сон а сыргузи. Коли тыненк а сыргустиве — „Якстере Теште“ удоманзо явавцы.