Якстере теште/1924/18/Илядо юмафтне куловонть
| ←Ванстодо навозонть | Якстере теште, № 18, 27 июня 1924 г. редактор Васильев, Тимофей Васильевич Илядо юмафтне куловонть сёрмадызе Сюровидиця |
Илядо явше лугатнень сеетстэ→ |
| Якстере теште. Еженедельный орган Мордовской секции при Ц. К. Р. К. П. (б.). — № 18, 27 июня 1924 г. — с. 3 |
| Илядо юмафтне kуловонть. |
Минек скотинань арась чинть марто ламо навоз а таштат. А сеть губернетнень эзга, кува арась вирь, навоз моле навозонь пенгекс (кизякокс). Модань удобрямс а кадове мензяк. А модань апак удобряк сюро эйстэнзэ а саят.
Навоздо башка уле еще удобрения, конань нолтникшеасызь варма мельга. Те удобрениесь — кулов. Ве казенной десятинантень куловось эряви комсь пондо. Картуханть эряве путомс ве казенной десятинантень кемветие пондо.
Удобрямс моданть эряви истя:
Картухань путомсто эрьва картуха коренэнтень эряви почодомс ве коморо кулов. Путомс эряви бороздань ютазь. Сокамс парной цабансо. Юткне корендэ коренс улест 10 верш. Картухатнень лисимадо мейле эряви сынст сокамс ве алашень цабансо.
Куловсо удобрезь модась максы урожай 3100 понт картуха десятинастонть. А куловонть тельня можна таштамс зяроята. Если ровнясынек навозонь марто, то куловсо удобрезь модась максы урожай 380 пондодо седе ламо десятинанть лангсто ды картухатнеяк колияк а кармить сэредеме наксадо ормасо.
Сюровидиця ялгат! Илинк нолда куловонть варма мельга. Сонзо лезызэ пек покш.
Сюровидиця.