Якстере теште/1924/34/Эрзянь мокшань роботась Томской губерняса

←Кармасть сыргозоме

Якстере теште, № 34, 16 ноября 1924 г. редактор Глухов, Пётр Семёнович
Эрзянь мокшань роботась Томской губерняса сёрмадызе Поздяев, Илларион Сергеевич

Эрьзя ютксо роботадо→

Якстере теште. Еженедельный орган Мордовской секции при Ц. К. Р. К. П. (б.). — № 34, 16 ноября 1924 г. — с. 3—4

[ 3 ]

Сибирь.

Эрзянь мокшань роботась

Томской губерняса.

Томской губ, весимезэ эрзятнеде — мокшотнеде кеминь тыща ломать. Но не сведениятне аволь точнойть (а пекь видеть). Сынь сермадозь ощо 1920 це иестэ, а теде мейле ламо эрзят-мокшот састь Сибиревь од паксяв 1921—1922 вачо иетнень эйстэ. Ламо улить истят велеть, косо эрзятне эсь пряст эрзякс аловить—как, ловить рузокс. Улить цела эрзянь—мокшонь велеть, поселкат, куторт. Улить истят-как велеть, косо эрзятне-мокшотне эрить човор руз ды лия народ марто.

Робота эрзянь — мокшонь трудицятнень ютксо минцинекь кельсэ кодамояк арасель. Эрзянь — мокшонь сокицят Губкомсо и уездга арасельть. Секция кодамо-як косо-як арасель Сибирень келес. Сибирень келес эрзятне-мокшотне точной учетс апак сайть. 1921 иень всероссийской переписенть кувалт эрзятнеде—мокшотнеде Сибирень келес лововить 47785 ломань. Не сведениятне таго апек видеть. Весемезэ Сибирень келес, мон арсян улить 300.000 ломань. Ней миненекь эрявить парынестэ саемс учетс миньцинекь келень ломатне.

Августонь ковсто 1924 иестэ Томской Губкомсо теезь эрзянь—мокшонь секция, кона и кармась ветямо эрзянь — мокшонь ялгатнень ютксо роботаньть. Те шкамс теезь ощо аламо. Кучозь ряц циркулярной сермат те роботаньть кувалт. Не серматнень эйсэ Укомтненень и Райкомтненень Р. К. П. максозь указаният, кода эряви эрзя-мокшо ютксо роботамс и мезе эряви теемс.

Секциясь стараи — весе эрзянь — мокшонь коммунистнынь ды комсомолтнэнь точной учетс саемс. Эрзянь—мокшонь тонавтыцятнень, конат роботыть рузань велева арафтомс эрзянь — мокшонь велева. Губернской Агитпроп совещаниянь и Губкомонь Пленумонь постановлениясонзо сермадофтынекь, штабу энялдомс ЦК РКП (б) икеле эрзянь—мокшонь трудицятненень партияс совамсто максомс сеть льготатнень, конатнень XIII всероссийской коммунистонь промксось максыньзе восточной наротнэнень и автономной республикань сюровидицянь туртов: сынест эряви добовамс аньцяк кавто иень партийной стаж марто рекомендацият.

Секциясоньть ульнесть комсешка эрзя ломать, губернява эрицят. Секциясь кучсь веломань тонафнеме медфакс и хлопочась тензэ стипендия.

Ней секциясь саи учетс Томскойсэ тонафницятнень, штобу сынст ютксо кармамс ветямо робота.

Эрзянь — мокшонь велева кой-кува секциясь яла кучнесь эрьзянь—мокшонь газетт, конань получакшны Пензасто, Саратовской губернянь Кузнецкой уездстэ. Секциясь ушодсь тевь: „Якстере Тештень“ и лия эрзянь—мокшонь газетэнь и кинигань сермадстумань—рамамонь кувалт. Эрзянь — мокшонь тонафтыцятнень и велева эриця коммунист ды культурной роботникь ялгатнень секциясь терди кундамо те тевеньти. „Якстере Тештеньть“ и эрзянь-мокшонь кельсэ сермадозь кинигатнень эйстэ Томской губернясэ эрзятне—мокшотне мезеяк а содыть. Эрзянь—мокшонь газетнэнь ды кинигатнень рамамо ды сермадстомань кувалт уш сермадозь Укомга и Райкомга.

Циркулярной распоряженият. Те тевесь ушодови ноябрень кеменце чистэ. Секциясь и Губкомось пуцть икелест задача, штобу эрьва 10-нь эрзянь — мокшонь кудот сермадстыльть сыньцест кельце газетц „Якстере Тештес“ ды рамавольть эрзянь — мокшонь кинигат. Путозь задача, штобу Томской губернянь келес 1925 иень январень ковоньти улевельть 500 подписчикть „Якстере Теште“ ланкс. Коммунистнэнь и Комсомолецтнэнь кармафтынекь обязательно улемс подписчикекс миньцинекь келень газет ланкс. Райкомтнэнень и Укомтнэнень максозь указаният, штобу эрьва уездсэ и районсо кочкамс контрагент „Якстере Тештень“ ланкс [ 4 ]подписканьть ветямонь кувалт. Эрзянь — мокшонь секциянь секретаресь ве месецес тусь командировкав Ленинской и Кузнецкой районов парынестэ ладямс роботаньть эрзень—мокшонь велетнень эзга. Саемс эрзятнень точной учотс. Содафтомс не райотнень эзга весе эрзянь-мокшонь велетнень. Ютафтомс ютксост Октябрской революциень сисемце иень празникесь и ветямс компания „Якстере Тештень“ и эрзянь мокшонь кинига ланкс подписка.

Роботась эняроя, знярдо улить саезь учотс весе эрзянь — мокшонь партийнойтне, сестэ тейдян губернской эрзянь—мокшонь коммунистонь прумкс. Истя жо од иеде мейле велева и волостька тейдян беспартийной эрзянь—мокшонь конференцият.

И. Поздяев.

This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]

This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home.

Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1984 году, и был участником Великой Отечественной войны, соответственно эта работа выйдет в России в общественное достояние в 2059 году.

The author died in 1984, so this work is also in the public domain in countries and areas (outside Russia) where the copyright term is the author's life plus 30 years or less.