Якстере теште/1924/36/Советень мосторга
| ←Лия масторга | Якстере теште, № 36, 30 ноября 1924 г. редактор Глухов, Пётр Семёнович Советень мосторга |
Мекс эрзянь велева берянстэ моли работась→ |
| Якстере теште. Еженедельный орган Мордовской секции при Ц. К. Р. К. П. (б.). — № 36, 30 ноября 1924 г. — с. 2 |
| Советень мосторга. |
| Видметь анокстыть. |
Правительствась нолдась 26 миллиот ярвой видмень анокстамс.
Не ярмакнень ютавцызь истя:
19 миллиот нолдыть видьмень рамамс Р. С. Ф. С. Р.-онь сюровидицятненень 4 миллиот нолдыть Украинас, кадовекснэ туить видьмень пачтямо ды лия расходонь вельтямо.
Ярмакнень нолдасызь аволь вешкане.
Октябрь месецстэ нолдастать 1.800 целковой ноябрястэ нолдыть 1,109 целковойть, декабрястэ 2.386 целковой, январьстэ 9.000.000 целковой и февральстэ 1.856 целковой.
| Скотинань орматнень марто бароцямо. |
Октябрень ковсто Бурятской Республикасо паявокшнось педиця скал орма, Тосто те ормась ёрдовкшнось Забайкальской губерняв. Кармасть мартонзо бороцямо: тейнить прививкат, а нолдыть сэредиця скотинат лия таркава, козой ормась ощо эзь пачкоть.
Курской губернясо появакшнось чума (скотинань орма), ней сонзо маштызь.
Бузулукской уездсо Самарской губ. ды Сызранской уездсэ Ульяновской губерн. кармасть скалтне легкоень ормасо сэредеме.
Не уезднэнень кучсть ветеринарной (скотинань лечиця) докторт.
| Эсинекь мастаронь заводсо тракторт теить. |
Брянской заводось карми тракторонь тееме. Правительствась нолдась тензэ 700 тысьця целковойть. Не ярмакнень ланкс заводось тейсь Англиясэ ды Германиясэ заказ станоконь теемс.
Трактортнень кармить нолдамост сы сёксень оземь видима лангоньти.