Якстере теште/1924/38/Орожия

Якстере теште, № 38, 13 декабря 1924 г. редактор Глухов, Пётр Семёнович
Орожия сёрмадызе Велькор

Якстере теште. Еженедельный орган Мордовской секции при Ц. К. Р. К. П. (б.). — № 38, 13 декабря 1924 г. — с. 3—4

[ 3 ]

Стуфтумальть уш орожиятне ды колдунтне.

Орожия.

(Вирь ало Тавла Саранск, у., Пензань губерния).

Минь пек и пек чопудатанок! Аволь минек велесь эли кругомганок велетне, а ошонокак: Эрьва таркасо улить орожият, знахарть и ломанень и скотинань лецицят. Вирь ало Тавласо ули орожия пек содыця. Аволь теке велестэ аньцяк тензэ сакшныть орожиямо, а кругом велетнень эйстэ-як рузонь велетнестэ-як. Кода-жо сон орожии? Васня кайси картасо, конань кодамо уцясказо. Максы таргамс карта колодастонть и картанть лангс ванозь ефтни, кодамо конань эрямо чизэ. Акона карми прянзо шатафтомо сенень лия карта таргафты — лиякс карми кортамо; истя ламоксть тек, знярц [ 4 ]вицтэ понги кортамось и ломанесь карми кемемензэ.

Кодат ормат леци? Кодат понгить! Маштыкс, цирейть, пря ормат, пекень сэредимат, коскилгат, чулкситимат, авечкимат и лият месть. Орматнэнь весе причинаст: Осодсто (сельмидеви) здорсто (севномсто) прамо таркасто, а вадря вармасто.

Мейсэ леци? Ведьнес пуви а чаркудевиця валт метькеди, (бормочет) угулият тозой нолды. Пувамсто и метькедемстэ прясонзо юхади и кургонзо афты: пек уж трудна лецямс осодонь (сельмстэ) орматне. Мейсэ пандыть орожиямонь кис? Кандыть и ускить: ямкст, розть, товт, коцт, панарт, нардамот и лият месть.

А то марявсь, вейке ломань алтась судонь цюцинь (рак) лецамгань кис покш скотина максомс.

Велькор.