Якстере теште/1924/39/Кода ютась минек учителень с'ездонок
| ←Эрзянь курсантонь тевть | Якстере теште, № 39, 24 декабря 1924 г. редактор Глухов, Пётр Семёнович Кода ютась минек учителень с‘ездонок сёрмадызе „Сонць ульнесь“ |
Арась школанок→ |
| Якстере теште. Еженедельный орган Мордовской секции при Ц. К. Р. К. П. (б.). — № 39, 24 декабря 1924 г. — с. 2 |
| Кода ютась минек учителень с‘ездонок. |
| (с. М. Толкай, Полудневской в., Бугурусл. у., Самарской губ.). |
Декабрянь котоце чистэ минь теинек учителень с‘езд, козой сакшность весе волостьенть учительтне и весемезэ пурнавкшность 25 учитель. Ульнесть с‘ездсонть ощо ламо ломать; тонафницятне педтехникумонь, разной учреждениянь представителть члент профсоюза робпроса ды истяк ламо сакшность кулцономо. Весемезэ ульнесь сядошка ломань. С‘ездсонть кортасть 6 вопросонь кувалт.
Кочкасть уездной е‘ездэв колмо делегат; Скобелевонь, Поповонь и Пивкинэнь.
Кортынек кода бу теимс смычка велинь учительтненень эрьзянь педтехнумонть марто. Ламо ульнесть кортамот те с‘ездсэнть. Учительтне ульнесть с‘ездсэнть 10 эрьзят, 1 малорос, остаткатне руст, аватнеде ульнесть 7. С‘ездэсь ютась пек парсте и учительтне дружнасто морызь Интернационалонть. Прядомодо мейле ульнесь спектакаль, косо учительтнень пек мелезэст тусь пьескатне икеле жизнянь коряс. Учительтне мейле мерьсть, что седе дружнасто эряви кармамс роботамо велева культурно-просветительной тевсэ. Учитель ялгат седе енсто роботадо велева и сестэ тыненк минь евтатано покш пасиба.
„Сонць ульнесь“.