Якстере теште/1924/39/Трудицянь кирьга лангсо усксить попт и строить церкува

←Модань тевень кувалт волостень промкс (с'езд)

Якстере теште, № 39, 24 декабря 1924 г. редактор Глухов, Пётр Семёнович Трудицянь кирьга лангсо усксить попт и строить церкува сёрмадызе Ютыця

Минек веленок покш, вий ламо, а порядкась аламо→

Якстере теште. Еженедельный орган Мордовской секции при Ц. К. Р. К. П. (б.). — № 39, 24 декабря 1924 г. — с. 4

 

[ 4 ]

Трудицянь   кирьга   лангсо   усксить   попт   и   строить   церкува.

Вере Нувалсо велень ямщик Тишка, конань велесь сиведизе 300 пондодо розьде. Ламо раз усксить Ташто Нувалонь попонть эйсэ служамо, якить тензэ сюронь пурнамо. Велень бедной ломатьне ваныть те лангс и кортыть: нать Советской властенть пингстэ-як минек сявдиксэнек лангсто а ертовить попне?

Миненек пек стака пандомс продналогось—как, налогось хоть эряви Государстванень, а уж попт ускемс минек ливезенть кис, те ков-гак а маштови. А сюпавтнэ лиякс морыть. Пазнэнь озномась ды попонь мелень ваномась сех паро тевь. Козой бу теемс народной кудо, школа, театра эрицятнэнень, а сынь остатка виесэст путыть, строить церькува. Строямс пурныть эрьва кодат сборт: розь, катват, алт, понат, канцерот, коцт и лият месть; весе сборось моли церкувань строямс.

Остатка вийсэст ютавтыть, штобо седи-як чопуда улевель сынст народось. Велесэнть 200 кудо, сынст ютксто кияк а получи газет, кияк а ловны кодат—как книгат. Весе народост ютксто анцяк ниле ломать парсте сермас содыцят. Конат мерить? Деданок эрясть школавтомо, эйкакшонок—как кармить эрямо.

Вана кода чопудасто эрить Вере Нувалонь эрицятнэ.

Ютыця.