Ҡунаҡ көтәм. Фирүзә Абдуллина.

Ҡунаҡ көтәм. (шиғыр) автор Фирүзә Абдуллина

Ижад итеү ваҡыты: 28.06.2014.. Нәшер ителгән: 07.12.2014.. Сығанаҡ: “Бәйләнештә” сайтындағы “Ғәжәп донъя” төркөмөнән.

* * *

Ҡунаҡ көтәм. Йөрәгемде ҡағындырып,
Килер көткән яҡындарым һағындырып,
Осрашыуҙы көтөүҙәре үҙе рәхәт,
Һағынышып осрашыуҙар - үҙе бәхет.

Осрашыуҙар, күрешеүҙәр – бер генә мәл,
Йышлатырға, оҙайтырға табып әмәл,
Йәшәй алһаң, бәхет артыр һымаҡ ҡына,
…Был донъяла үҙебеҙ ҙә ҡунаҡ ҡына…

---