Һанарға өйрәнәм: Тыпырҙыҡ. Гүзәл Ситдиҡова

← Сәйәхәт

Тыпырҙыҡ автор Гүзәл Ситдиҡова

Ҡырғаяҡ →

«Һанарға өйрәнәм» циклынан. Ижад итеү ваҡыты: 2012.

Тыпырҙыҡ

Таҡмаҡ әйтеп тора ҡолон:
- Иһа-һа ла иһа-һа,
Бейеп йөрөгән ыңғайға
Һан өйрәнеү бик анһат.
Бер, ике, бер-ике,
Бер-ике тапҡыр һикер,
Өс тә дүрт, өс тә дүрт,
Өс-дүрт аҙым алға үт.
Биш-алты, биш-алты,
Биш аҙым артҡа ҡайттыҡ.
Етелекәй ҙә һигеҙ,
Етеҙлектә беҙ тигеҙ.
Туғыҙ-ун, туғыҙ-ун,
Тыпырҙап алайыҡ һуң.
Тып-тып, тыпырҙыҡ,
Тыпырҙыҡты һыпырҙыҡ.

2012

---