Әсәйҙәргә(шиғыр). Кәтибә Кинйәбулатова

Әсәйҙәргә (Шиғыр)
автор Кәтибә Кинйәбулатова

.Нәшер ителгән: 1996 йыл. Сығанаҡ: "Уҡыу китабы" - 1 синыф өсөн дәреслек.-Өфө"Китап",1996 йыл

Әсәйҙәргә

Ҡайнар сәләм,
          таңдар буйы йоҡламайса,
Балам, тиеп,
          беҙҙе ҡарап һөйөүсегә.
Ҡояш кеүек йылы, нурлы,
                    йомшаҡ ҡуллы
Беҙгә ғүмер һәм аҡ бәхет
                       биреүсегә.
Шатланһаҡ та, ҡайғырһаҡ та
                   — әсәй, тибеҙ,
Йәшәр инек нисек итеп, әсәй,
                          һинһеҙ?
Тыуған илем, һине нисек
                     яҡын күрһәк,
Әсәйҙәр ҙә бик ҡәҙерле, оло
                          тиңһеҙ.
Ниндәй ғорур кеше өсөн
                        әсә һүҙе,
Беҙҙе һөйөп, тәрбиәләп
                     ғүмер бирҙе.
Рәхмәт әйтеп һинең изге
                        эштәреңә,
Матурлаһын балаларың
                     тыуған ерҙе.

1996 йыл