Хикәйә
Бәләкәс Гүзәл өләсәләренә барып йоҡларға ярата. Сөнки өләсәһе уға төрлө әкиәттәр һөйләй, йомаҡтар ҡоя. Ә бер көн Тауис менән Әтәс әкиәтен һөйләп ишеттерҙе. Шул ваҡыттан һуң ул гел Әтәсте йәлләп йөрөнө, ә Тауисты орошто.
Ә бөгөн ул бигерәк шатлыҡлы ваҡиғаға юлыҡты. Һыртта, күрше ҡыҙы Айһылыу менән уйнап йөрөгәндә, әтәс ҡойроғо табып алды. “ Күрәһең, Тауис алып килгән ваҡытта Әтәс өйҙә булмағандыр ҙа, күреп алыр әле,- тип ошонда ҡалдырып киткәндер” тип уйланы. Әхирәтен дә онотоп, баҡсала ниҙер эшләп йөрөгән өләсәһе янына йүгерҙе.
- Өләсәй, Тауис Әтәстең ҡойроғон килтергән,- тип һөрәнләне. Өләсәһе эштең ниҙә икәнен тәшөнмәй торғас. -Күрәһең, Тауис килгән саҡта, Әтәс өйҙә булмағандыр, -тип өҫтәне. Өләсәһе ниңәлер өндәшмәне. Ә ул бит маҡтау көткәйне. Ул киреһенсә, әтәстең ҡойроғон йәшерергә ҡушты.
-Юғиһә, Әтәс ҡойроғон тапҡас, башҡаса ҡысҡырмаҫ,- тине.
Гүзәл тиҙ генә Әтәс ҡойроғон кеҫәһенә тыҡты ла, кире һыртҡа, мунса артына йүнәлде. Тиҙерәк, әтәс күрмәҫ борон ергә күмде.
Атыуса, башҡа әтәс ҡысҡырмаҫ. Әлдә өләсәйем бар әле,- тип уйланы ул еңел һулап.
The permission for use of this work has been archived in the Wikimedia Volunteer Response Team System; it is available for users with a VRTS account. To confirm the permission, please contact someone with a VRTS account.
|