Өскүс баарга чалбарыг
| ← Үгү ээрен дугайында алгыш | Тыва улустуң алгыш-йөрээлдери (Өг-бүле биле холбашкан йөрээлдер) |
Оргаадай оътту казарда чалбарыг → |
| Чаяан чылы: 1990. |
Бүүректиң чаан ылгавайн отче кагаш, чартык кезээн саң салып каан бурган баарынга ыяап хондургаш, даартазында өртедиптер.
Хой өлүрген санынды, чүректиң чартыын болгаш үш кырлыг, бажы сүүр өскүс-баарны кезип, мал-маган кадык, аъш-чем арбын көвей турзун, бурганның дээжизи-дир дээш, үш катап бурганга, оран-таңдыга тейлээш чалбарар.
Бурганым өршээ!
Алдын-таңдым, өршээ!
От-чаяачым, өршээ!
Алдын бурганым, өршээ!
Ам-даа болза
Арбыдады хайырлаңар.
Көрүп танывазындан,
Көдүрүп угбазындан
Хайырлаңар, ток-ток.