آؤ سیّو رل دیو نی ودھائی
آؤ سَیّو رل دیو نی ودھائی
میں بر پایا رانجھا ماہی
اَج تاں روز مبارک چڑھیا
رانجھا ساڈے ویہڑے وڑیا
ہتھ کُھونڈی موہڈے کمبل دھریا
چاکاں والی شکل بنائی
آؤ سَیّو رل دیو نی ودھائی
میں بر پایا رانجھا ماہی
مُکٹ گُئواں دے وِچ رُلدا
جنگل جوہاں وِچ کس مُل دا
ہے کوئی اللہ دے ول بھل دا
اصل حقیقت خبر نہ کائی
آؤ سَیّو رل دیو نی ودھائی
میں بر پایا رانجھا ماہی
بلھے شاہ اِک سودا کیتا
پتیا زہر پیالہ پیتا
نہ کجھ لاہا ٹوٹا لیتا
درد دکھاں دی گٹھڑی چائی
آؤ سَیّو رل دیو نی ودھائی
میں بر پایا رانجھا ماہی
|
This work was published before January 1, 1929, and is in the public domain worldwide because the author died at least 100 years ago. |