آغوستوس بوجگیله قارینجه
قارنجه‌یی طانیرسڭز:
مینی مینی بر حیواندر،
فقت غایت چالیشقاندر،
غایت طوتوملودر، یالڭز
پك خودكامدر، بو بر قوصور:
خوكام اولان ظالم اولور.
بر گون آغوستوس بوجگی
تنبل تنبل دورمق
نتیجه‌سی آچ كاله‌رق،
قارینجه‌دن گوره‌جگی
بر لقمه شو رجا ایدر،
برودته باقماز، گیدر،
بر لقمه شی رجا ایدر،
دیر كه: - آجیڭز بزه،
چولوك چوجوك أوده آچز؛
اعانه‌ڭزه محتاجز.
كارنجه بر یوركسزه
لایق خشونتله صورار:
- آچمیسڭز؟.. یا او قادار
او گونلرده نه یاغدیڭز؟
بوخك ایڭله‌ر: - آچز! آوز!
باقڭ، بڭزم باصل صولدی؛
او گونله‌رده گولن، ئوتن،
سازله سوزله أگله‌نن بن
بو گون، باقڭ، نه حالده‌یم!
واللّه‌آچز، باللّه آچز؛
حالمزه‌آجیینز!
قارینجه أگله‌نیر: - بگم،
شیمدی ده رقص یدڭ، نه وار؟
یازین چالان قیشین اوینار!
توفيق فكرت
Türkçe: tr:Ağustos Böceği ile Karınca