آمين آلايى
| آمين آلايى محرری: محمد عاكف |
كوزم‌كه قانه بوياندى، شرابى نيليه‌يم؟
شرابى نيليه‌يم؟
جكركه اودلره ياندى، كبابىى نيليه‌يم؟
كبابىى نيليه‌يم؟
نه ياره يارادى جسمم٬ نه باكه٬ بلمم هيچ!
الَهى بن بو بر آوچ ترابى نيليه‌يم؟
ترابى نيليه‌يم؟
آمين! آمين!
اك اوكده٬ رحله‌سى آغوش احترامنده٬
آغير آغير يوروين بر طوقوز ياشنده ملك؛
بش اون آديم كريدن، زيب و احتشامنده
شفق ضيالرى حتى افول ايدوب كيده‌جك،
قدر لطيف، ايكي معصومى بر آچچيق پايطون
وقار و ناز ايله چكمكده؛ آرقه‌سندن بونك،
كوچوك آديملى يامان بر طابور كه خيلى اوزون!
او روحدن دها صافى اولان يوركلردن،
زمان زمان بر الهى ترانه يوكسليور؛
بو جوش صفوتك عكسيله تا ملكلردن
زمينه طوغرو بر « آمين ! صداسدر كلييور.
محيطى هر برينك بر صباح نورانور،
بوتون بو قافله افرادى. پر سرود سرور،
ياروب اونكده طوران حلقى متصل كيدييور!
بو بر كتيبۀ معصومه‌دركه اى ملت:
سلامه طورمليسك شانلى رهكزارنده؛
بو بر جناح‌كه: آتيده بر اوفاق حركت
ياپوب جهانلرى اويناتمق اقتدارنده !
كليرده سبايۀ امداد حقنده بر كون٬ بو
كيرر ديار معالى‌يه طوغرودن طوغرو.
بوآنجاق ايشته٬ اكر ورسه٬ شانلى بر اوردو!
أوت ايلرله‌مك٬ ايسترسه كربان شباب٬
يولنده طورمايه كلمز. او چونكه طورمايه‌رق
صباح سرمد آتى‌يه ايله‌مكده شتاب؛
او چونكه ايسته‌يه‌مزحاله قاتلانوب طورمق!
اونك قدومى ايچون نازنين استقبال
آچارده سينه٬ او اولمازمى پركشاى وصال؟
طورورمى آرتق اونك قارشيسنده ماضى٬ حال؟
فقط او زمزمه‌لر اوچدى هپ دوداقلردن..
سرودنشوه بو عالمده پك سوركسزدر!
آغير آغير كچيوركن آلاى سوقاقلردن،
كليرده جاده‌نك آغزنده ميخلانير، ديكيلير
محمد عاكف