آچيق ده‌كز
| آچيق ده‌كز محرری: يحيى كمال |
بالقان شهرلرنده كچه‌ركن چوجوقلغم٬
هر لحظه بر آله‌و كبى حسرتددى دويديغم.
قلبمده واردى بايرونى بدبخت ايده‌ن ملال٬
كزدم او ياشده داغلرى٬ خوليام ايچنده لال،
آلدم راقوفچا قيرلرينك حر هواسنىى٬
دويدم آقينجى جدلريمك احتراصنى.
هر ياز٬ شماله دوغرو عصرلرجه بر قوشو،
باغرمده بر عكس كبى قالمش اوغولتولو...
مغلوبكن اوردو، ياسلى دوروركن بوتون وطن،
رؤيامه كيردى هر كيجه بر فاتخانه وطن.
هجرتلرك بقيه‌سى هجرانلى دويغولر،
محزون حدودلرك اوته‌سندن آقان صولر٬
كوكلمده حپ او ظنله برابر چاغيلدادى.
بيلدم نه‌در افقده‌كى صوكسزلغون طادى!
بر كون ديدم‌كى ايسته‌مه‌م آرتق نه ير، نه يار!
چيقدم سوره‌كلى غربته، كزدم ديار ديار.
كيتدم او صوك دياره‌كى سرحديدريرك،
حالا ديلمده‌در طوزى أنكين دكزلرك!
غربك اوجنده٬ صوك قى‌يى‌دن٬ أك كوروليولو
بر مد زمانى٬ كوك يوزى قورشونله اورتولو٬
كوردم ده‌كز ديدكلرى بيك باشلى اژدرى.
كوردم٬ كوزه‌ل وجودينى زمردله‌ين ده‌رى٬
كسكين بر أورپه‌ريشله قيميلداندى آن‌بآن؛
باقدم و آكلادم‌كه او اژدردى جانلانان.
صوكسز افقدن آه او نه جوشقون كليشدى او!
بردن ناصل طوپارلانارق كوكره‌مشدى او!
يلكه‌ن٬ واپور٬ نه وارسا قاچيشمش ليمانلره٬
يالكز اونكدى قوص قوجا ميدان و منظره!
يالكز او قالمش اورتاده٬ عاصى و باغرى خون،
بيك ماغارا آغزى آچمش، اولوركن اوزون اوزون،
سزدم٬ برآشنا كبى٬ هيبتلى حزننى!
روحكله قارشى قارشى‌يه قالدم او مد كونى٬
شكواكى دبكله‌دم، أزلى مضطرب ده‌كر!
دويدوم‌كى روحمزله بو غربتده سندنز.
دوردورماز٬ آكلادم بونى٬ هيچ بر كوزه‌ل قى‌يى،
بر بيتمه‌ين صوسزلغه بكزه‌ربو آغرى‌يى.
يحيى كمال
Türkçe: tr: