آہ ملتے ہی پھر جدائی کی
آہ ملتے ہی پھر جدائی کی
واہ کیا خوب آشنائی کی
نہ گئی تیری سرکشی ظالم
ہم نے ہر چند جبہ سائی کی
دل نہیں اپنے اختیار میں آج
کیا مگر تو نے آشنائی کی
در پہ اے یار تیرے آ پہنچے
تپش دل نے رہنمائی کی
قابل سجدہ تو ہی ہے اے بت
سیر کی ہم نے سب خدائی کی
جو مقید ہیں تیری الفت کے
آرزو کب انہیں رہائی کی
جی میں بیدارؔ کھپ گئی میرے
خندق اس پنجۂ حنائی کی
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse