ئارۆ خەزانێ دوور جە پای نەمام
| ئارۆ خەزانێ دوور جە پای نەمام | زایف و زەبوون هیجران سەرئەنجام |
| ئەویچ بە جەستەم مەناڵا بە زار | بە جەفای هیجران مەکەردش ئیقرار |
| پەرسام هەی زەدەی گەردوونی بێ ڕام | زیندەیی سەر شووم، دوور جە پای نەمام |
| چ بەدبەختیتەن پێسە پێت ئامان؟ | مەرنە خاوت دی دووریی نەمامان؟ |
| واتش هەی بێ دەرد دەروون پڕ جە خار | سەرگەشتەی هیجران، زەدەی ڕۆزگار |
| یە هیجران کەردەن، جە دیدە کۆر بام | نە تەرز مەوینوون، نە باڵای نەمام |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse