ئازیز نەخاوم
| ئازیز نەخاوم، ئازیز نەخاوم | بەختم بێدار بی ئامای نەخاوم |
| دیای وە سینەی پەڕ نە زۆخاوم | وەدڵەی سۆچیای وێنەی کەواوم |
| وێنەی ئەفلاتوون نەزمت گرت زانای | ئازارش چێشەن دەوا نمانای |
| واتت هەر کەسێ دەردش ئەی دەردەن | مەبۆ بەی تەورە عێلاجش کەردەن |
| دوو عەناب لب، دوو بادام چەم | دوو سیب گۆنا، قەترەی ئاودەم |
| جە پیاڵەی غەبغەب سافش بکەران | جە سایەی گەردەن پەی پەی بوەران |
| جەو دما نە باخ پادشای حەیان | پەی ساکنی دڵ بکەرۆ بەیان |
| ئیسە ئازیزم شوخ نازاران | من گێڵام جەلای گردین عەتاران |
| هیچ کام جەی دەوا نمەگنۆ و دەس | ئێختیار وەتۆن بە فەریادم ڕەس |
| هەنێ چێش واچوون نەزان حاڵ دەرد | من نەڕاگەی تۆ چەندی جەفام بەرد |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse