| ئازیز نەزانام، یە خەدێو خۆتەن
|
یەشەرت و یەشۆن یەتان و پۆتەن
|
| یە دۆسی، یە مەیل، یەدڵداریتەن
|
یەقەوڵ، یە ئێقرار وەفاداریتەن
|
| بە وەڵڵا بیللا سەوگەند وەردەتەن
|
یەعدهدوو پەیمان خەلاف کەردەتەن
|
| من پاسەم زانا پەڕشەرت ووشۆنی
|
نەزانام بێ مەیل بێ تان و پۆنی
|
| جە بۆڵبۆڵ بێزار، خار نەوازەنی
|
یار چەنی ئەغیار، بێ مەجازەنی
|
| ئەگەر مزانام ئینە وەفاتەن
|
ئینە سزای سەخت جەور و جەفاتەن
|
| ئینە شەرتوو عەهد، بەین وبەقاتەن
|
ئینە خۆ ئەتوار ئاماو لواتەن
|
| هەر بەو بێ شەرتی دەی کەردت قەسەم
|
. . . . . . . . . . . . . . . . . . . .
|
| دڵ مەدام و ئێش مەودای نیشتە ردا
|
تێرێ مەوردم وەتۆی جگەردا
|
| نەدڵ مەدام پێت پەرێ دڵداری
|
نە جگەر مەدام پەی زام کاری
|
| نەوڵڵا و بیللا چەنیت مەوردم
|
نەعەهد و پەیمان بە جاماوردەم
|
| تۆ وەدڵ مایل .... و ئێشەن
|
... مۆبەت دوستی تۆ چێشەن
|
| .......................... نەونەمامی نۆ
|
...................... یەبێ شەرتی تۆ
|
| یەخەندەی ڕەقیب یە شادی فێراق
|
یەسۆز دەروون ناڵەی ئێشتیاق
|
| یە جۆش خاتر، یە ئەسرین چەم
|
یەبێ قەراری دڵەی پەڕ جە خەم
|
| یەزەردی ڕۆخسار، یە خەم یەقامەت
|
یە نێش دووری یە ئێش زامەت
|
| ئەی چ خاس کەردەن جەڕووی وەفاومەیل
|
ئەدای ئێنشای فەرد مەعدوومی دڵ کەیل
|
| «بێ تۆ ئاریزم قەرارم چوونەن
|
تەوەن نیەنان، دڵ گۆشت و هوونەن
|
| ئێنسافەن دووری زەخم بێ سامان
|
چێنە زیاتەر کافیەن ئامان»
|
| غۆربەتەکەی چەم فرە یا کەم بۆ
|
تۆ خۆا با ساتێ دڵ و بێ خەم بۆ
|
| بەزمەکەی خەمان وەسڵت نە ویرەن
|
یا ناڵەی پەڕتەم جەلات دڵگیرەن
|
| ................. پەرێ ناڵەشەن
|
................... هەزار ساڵە شەن
|
| ...... گۆشەی چەم نێگا داری کەر
|
................. وەفاداری کەر
|
| ئی ئێستێغنا و قین زیادەن پەی چێش
|
ڕەقیب ومەیلت دڵشادەن پەی چێش
|
| ئەرماچی خەستەی مەینەتان بەردە
|
تکەی زۆخ جەرگ زامەتان وەردە
|
| بادەی فەنای مەیل دووریش نۆش کەردەن
|
ئاریزێ چۆن من فەرامۆش کەردەن
|
| ........ دووریت مەکێشوون .......
|
ئەسرین دیدەم نوور ئەفشان کەردەن
|
| تیرەکەت مەرهەم شەفای دەردمە ن
|
دەردەکەت دەرمان ئاهی سەردمەن
|
| دووریت ڕاحەتی، هێجرەت شادیمەن
|
فێراقت مایەی دڵ ئازادیمەن
|
| وەسڵت خۆ سەرمەشق زێندگانیمەن
|
حوسنت شەرح شەوق کامەرانیمەن
|
| بەڵام ئازیزم چینەی زیاتەر
|
مەتاوو گرتەی ڕای دووری نەوەر
|
