ئاقیدەی شێخ سەمیع/باسی پردی سیڕات و جەهەننەم
| ←باسی گوناهکار | ئاقیدەی شێخ سەمیع (1880) by باسی پردی سیڕات و جەهەننەم |
باسی مار و دووپشکی جەهەننەم→ |
| لە پردی سیڕات، بە سەد دەرد و خەم | دەکەونە خوارێ بۆ ناو جەهەننەم |
| نەعوزوبیللا لەو بەدبەختییە | لەو دەرد و میحنەت، تەنگی و سەختییە |
| ئەوان بە قولاپی ئاسندا ئەکرێن | وەک گۆشتی قەسساب پێ هەڵداوەسرێن |
| هەتا دەسووتێن قەلبیان دادەڕزێ | ئێسقان و پێستیان پێکدا هەڵدەکزێ |
| سەرپاک ئەسووتێن، ئەوجا دێنەخوار | دیسان دەیانکەن هەر وەک ئەووەڵجار |
| سەد لە ئەووەڵجار زۆر و زیاتر | دەیانسووتێنن لە ئەووەڵ چاتر |
| تەواو هەڵدەکزێن بەردەبنە خوارێ | سەراوبن دەکرێن جار دەگەڵ جارێ |
| هەر بەو دەستوورە هەتا تێیدا بێ | هەر عەزاب ئەدرێ مردنی نابێ |