| ئەرێ ئازیزم نەونەمام نۆ
|
حەرامەن ئی دەهر دنیا وە بێ تۆ
|
| بینایی دیدەم و دیدەی مەستت
|
و تاق ئەبرۆی وەهەم پەیوەستت
|
| وە بەرزی قامەت نەی ئاسای نەی تووڵ
|
وە سێلسێلەی پێچ، حەڵقەی زۆڵف لوول
|
| بە شەرت و وەفای وەسەر نەبەردەت
|
بە عەهدوو سەوگەند چەنی من کەردەت
|
| یەگشت سەوگەند بۆ بینایی دیدەم
|
خەرام نەوخێز، ئەی بەرگۆزیدەم
|
| وێران ماڵەکەی، دڵەکەی کۆس وەکۆس
|
سفتەن وەئایر دووری دیدەی دۆس
|
| تاڵەی من یەکسەر ئاسارش بریان
|
دیرەک سەر تاق ستوونش ڕمیان
|
| وێش و بێ یاگە مەندەن و ماتڵ
|
زاروو پەرێشان مەدهووش و خەجڵ
|
| ئێسە نەوەتەن قەدیم فەرارەن
|
ئومێدش بە لۆتف نیم نیگای یارەن
|
| ڕایێ وەیانەی سفتە کۆش بەرۆ
|
فکرێ پەی دەرمان دەردێ نۆش کەرۆ
|
| ئازیزم! قوربان! باڵا تووڵ نەی!
|
باوەس بۆ جەفات، ڕەحمەت بۆ، تاکەی
|
| ئەحیا دەرەوە حەیاتش جە نۆ
|
وەقەترەی عەرەق بەین دوو لیمۆ
|
| ئاوپاشی کەرە ها، وەش، یەک نەفەس
|
با وە تەمامی نەبۆ وە قەقنەس
|
