ئەز ئورۆمۆن
| ئەز ئورۆمۆن مەکانم بێ وەڵاتم | سەرو پیری خوای گێرتەن خەڵاتم |
| بەرۆ دەروێش لوۆ سەیرۆ وەڵاتۆ | نەنیشتۆ هیچ وەڵاتێونە، نەساتم |
| لوۆ ژیوار، مەبوو شێت و نیشاتێ | نیشاتێ شێوناش عەیش و نیشاتم |
| نیشاتۆ کاکە «بارۆم»ی خجڵنۆ | خەمێش بەرگم، پەژارەش بۆ خەڵاتم |
| چەنۆ ئاخ و خەم و من پەی نیشاتێ | سیواو ئاخۆ، نیۆ هیچ دەسەڵاتم |
| نیشات ئەر میرو مەڵڵای، پەرسە دادم | شکاتو تۆن، شکاتو تۆن شکاتم |
| نەژیڤانۆ، مەژیڤو بێ تە ساتێ | حەیاتەمنی، حەیاتەمنی، حەیاتم |
| نیا پەی تۆ قەرار و ژیو تاڵا | بەرێنی شەکەرم، قەندم، نەباتم |
| تەخۆ نەبرە وەفات هەرگیز چەنی من | بیناییم بێ، وەفاییت، بەر وەفاتم |
| ئەز ئەر دێڤانە تۆ، ئەر شێت و سەرسام | پەکەم تۆنی، تەڤستەن موشکڵاتم |
| تەمەم بەستێنەنێ ئا چاڵ و زنجێ | کە دەی چا کەوسەرەی، ئاوۆ حەیاتم |
| لڤۆنۆڤە سەرو تۆف و جەحێڵی | دەرەک پیر نو، شرەن وەخت و سەعاتم |
| تە فەرزادەی زەکات و نازەنینیت | ئەزیچ دەروێش و تە، سا دە زەکاتم |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse