ئەی غەزالەی بێ سەبەب ڕەم کەردەکەی مەهپەیکەرم
| ئەی غەزالەی بێ سەبەب ڕەم کەردەکەی مەهپەیکەرم | شۆخی بێ پەیمانەکەی، بێ شەرتەکەی سەوداسەرم |
| خۆش مەزەی، ناخۆش ئەدای شیرین کەلامی ترش ڕوو | دڵبەرەی عیشوەگەرەی جەور ئاوەرەی جادووگەرم |
| کەی من و تۆ، شەرتمان وابوو بەبێ یەک هەڵبکەین | یا دەبوو کەی من بەبێ تۆ؛ سەرکەمە سەر بەستەرم |
| بۆ گوڵی، تەلعەت گوڵی، ڕوومەت گوڵی، ڕووخسار گوڵ | گوڵعوزاری، نازداری، دڵشکاری، خودسەرم |
| گەر عیتابە هەر بەسە، نازە بەسە، جەورە بەسە | وە بکە ئاخر چاوەکەم؛ ئەمنیش بەبارێ دەربەرم |
| من کە کوشتەی دەستی یارم، زەحمەتە ڕۆح دەربەرم | تاقی ئەبرۆی چاوەکانی، بوونە قاتل بۆ سەرم |
| عالەمە شەیدایی نوتقم، وەک بەگەوهەر؛ گەوهەریی | فایدەی چی! گەر نەبێ قەدری لە لای تۆ: گەوهەرم |
| من گوتم خاکی دەرت، وەک تاجی سەر بوو، هەر بڵێ | گەر نە، شەککەر لەب، لەمە قەحطی نییە تاجی سەرم |
| عەهدی خۆت بۆ خۆت شکاند و من دەکەیتە بێ وەفا | فاشی سڕ بۆ خۆت دەکەیت و من دەبێ زیللەت بەرم |
| شاهی خوبان، تۆ مەڕەنجە لەو گلەییانەی ئەدەب | تۆ هەر ئەو شاهی وەفاداری و منیش فەرمانبەرم |
|
This work is now in the public domain in Iran, because according to the Law for the Protection of Authors, Composers and Artists Rights (1970) its term of copyright has expired for one of the following reasons:
In the following cases works fall into the public domain after 30 years from the date of publication or public presentation (Article 16):
|
|