ئەی فەڵەک بۆ کورد خوێنەخۆی تۆ بوو

←

ئەی فەڵەک بۆ کورد خوێنەخۆی تۆ بوو (1965)
by مینە جاف

→

304087ئەی فەڵەک بۆ کورد خوێنەخۆی تۆ بوو1965مینە جاف

بۆ لافاوی سلێمانی و قزرەبات و قەرەخان و ئەرکەوازی و بوومەلەرزەی کرماشان و هەمەدان

ئەی فەڵەک بۆ کورد خوێنەخۆی تۆ بوو	برا کوشتەی تۆ و کینە جۆی تۆ بوو
بۆ چی هەر وەکوو دوژمنی خوێنی	بە هەموو ڕەنگێ ڕیشەی دەربێنی
خۆ سلێمانی فەخری کوردانوو	ئامان جێی هیوای گشت کوردزوانوو
بۆ بە شەپۆلی لێڵی لافاوت	کاولی ئەکەی دەک کوێر بێ چاوت
ڕەببی ناو دڵت لەت کرێ بە تێخ	ڕەببی ناو دڵت لەت کرێ بە تێخ
پاش سلێمانی شاری قزرابات	بۆ چیت کاول کرد بۆ ڕیشەی دەرهات
پێم بڵێ ئەی چەرخ ئەمە ویجدانە	ئەمە قانوونی ئەهلی ئیمانە
لە هەوەڵ شەوی چل شەوەی زستان	لە جۆشی سەرما و یەخ و یەخبەندان
تۆ پێنج سەد ماڵی شاری سەعدییە	کاولی ئەکەی لە پێو جێی چییە؟
داڵدەیان ئەکەی بە خەیمەی نایلوون	موحتاجیان ئەکەی بە قەسپ و سەموون
دوو سەد ماڵی تر لە ئەرکەوازی	بەم سەرما و سۆڵە ئەشێوێ نازی
دوو سەد ماڵی تر لە قەرەخانا	گشت هەڵ ئەتووتێن لە بەر بارانا
نوغرۆیان ئەکەی بە سەیل و لافاو	ماڵ و منداڵیان ئەخەیتە سەر ئاو
لە خاوەر زەمین ئۆلکەی کرماشان	سەرحەدی سەقز هەتا هەمەدان
کاولی ئەکەی تۆ بە زەلزەلە	ئەیاندەیتە بەر شەق و شەپازلە
حەوت هەزار ماڵی کوردی بێچارە	ماڵ وێران ئەکەی ڕسوا و ئاوارە
لە گشت لایەکۆ زایەڵە و ڕۆیە	شیوەنی مەرگی نەمامی نۆیە
ئە هەر کوێ ئەچم لاشەی جوانانە	یا لە ژێر دیوار یا لە قەبرانە
چەند کچی تری شۆڕی شۆخ و شەنگ	ڕوومەت پەڕەی گوڵ لێو لەعلی فەرەنگ
لە شیرین خەودا دیواری خانۆ	کەوت بە سەریانا و لە ژێریا مانۆ
چەن خانەوادەی خان و خانزادە	چەن گەورە ماڵی میر و بەگزادە
هەمووت کاول کرد نەما ئەساسی	ساحبی وێڵ بوو مرد بە کەساسی
سێ هەزار کەست کردە ئاوارە	پەنایان بن بەرد یا بەر موغارە
خۆت ئینساف بدە ئەی چەرخ تو خوا	ئەم جەورە کە تۆ کردت کەس ئەیکا!
نازانم چی بڵێم کۆنی کەچ ڕەوشت	ناکەس پەرەست و شوومی بەد سورشت
لە خوام گەرەکە نەتبێ ڕەهایی	نەبینی خۆشی و ڕۆژی ڕۆشنایی
بۆ هەموو ساڵێ بە دڵی غەمگین	بە ئاوی چاو و فرمێسکی خوێنین
چینێ نەو نەمام گۆڵ بۆی تازە دەم	بە سزاو و مەینەت تێنیتە بەرهەم
لە ناکاو وەکوو دوژمنی پڕ قین	شادیمان ئەکەی بە گریان و شین
ئەیاندەیتە بەر شمشێری ئەجەل	ئەیبڕی ڕیشەی نەشات و ئەمەل
دەک فەڵەک ڕەببی هەر خەم بەرگت بێ	هەموو کاتێکت سزای مەرگت بێ
نەبینی شادی و نەشاتێ لە ژین	چونکە گشت ساڵێ ئەمانخەیتە شین

1957/10

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).