ئەی پەرتەوی ڕەنگت وەکوو ڕەنگی هەمەڕەنگە
| ئەی پەرتەوی ڕەنگت وەکوو ڕەنگی هەمەڕەنگە | خاڵت بە مەسەل زولفی سیاهت، شەوەزەنگە |
| بەزم و تەرەب ئامادەیە، ساقی مەیێ فەرموو | دەنگی دەف و ناڵەی نەی و ئاوازەیی چەنگە |
| لێوت کە وەکوو لەعلی بەدەخشانە بە ئاڵی | گەنجوور و نگەهبانی دەهان و دەمی تەنگە |
| تابووری موژانت لەگەڵ ئەگریجە بەرابەر | وەستاوە ئەڵێی لەشکری ژاپۆن و فەرەنگە |
| سەد نامی خودا بێ لە دوو پوستانی ئەنارت | گرد و شلک و نازک و پڕ چنگ و قەشەنگە |
| بۆ باری خەمت گەر بەدەنم سستە مەڕەنجە | پێکراوی موژەی تۆیە نە کوژراوی تفەنگە |
| سەرگەشتە و و ئاشوفتەیی ئەشقم وەکوو فەرهاد | کێوم بە دڵ و سینە و سەر، پەنجە قوڵەنگە |
| چاوت بە مەسەل ئافەتی دڵهایە وەلیکن | بۆچ وایە کە ئەبرۆیی کەچت مەیلی وە جەنگە |
| لەم ڕۆژە کە ڕووم خستە بەری پێی و وتی پێم | ئەی ئەبلەهە، کەی ماڵشی ئاوێنە بە سەنگە؟ |
| مەنعی مەکە تاهیر کە ئەگەر مات و خەمۆشە | دێوانەیی ڕووی تۆیە نە مەستی مەی و بەنگە |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse