اسیں بھوت دی عقل گوا دئیے
اسیں بھوت دی عقل گوا دئیے
سانوں لا بھبوت ڈراوناہیں
تِرنجن ویکھ کے وہوٹیاں چھیل کُڑیاں
اوتھے کنگ دی تار وجاوناہیں
میری بھابی دے نال توں رمز ماریں
بھلا آپ توں کون سداوناہیں
اوہ پئی حیران ہے نال زحمت
گھڑی گھڑی کیوں پیا اکاوناہیں
نہ توں وید نہ ماندری نہ مُلّاں
جھاڑے غیب دے کاسنوں پاوناہیں
چور چوہڑے وانگ ہے ٹیڈھ تیری
پئی جاپ دی سر ی بھناوناہیں
کدی بھوتنا ہوئی کے جھنڈ کھولیں
کدی جوگ دھاری بن آوناہین
اِٹ سِٹ پگواڑتے کوار گندل
ایہہ بوٹیاں کھول وِکھاوناہیں
دارو نہ کتاب نہ ہتھ شیشی
آکھ کاس دا وید سداوناہیں
جا گھروں اساڈیوں نکل بھیکھے
ہُنے جٹاں دی جوٹ کھوہاوناہیں
کھوہ بابریاں کھپری بھن توڑوں
ہُنے ہور کیہ مونہوں اکھاوناہیں
رناں بلعم باعور دا دین کھویا
وارثؔ شاہ توں کون سداوناہیں
|
This work was published before January 1, 1929, and is in the public domain worldwide because the author died at least 100 years ago. |