اسے جینا نہیں آتا جسے مرنا نہیں آتا
خدا اس قوم کو عزت نہیں دیتا زمانے میں
جسے قومی بزرگوں کا ادب کرنا نہیں آتا
یقیناً ہوتی ہے مرنے سے بد تر زندگی اس کی
جسے ملک و وطن کے واسطے مرنا نہیں آتا
بتوں کا خوف رکھتا ہے اسے لرزہ بہ تن ہر دم
خدا کے خوف سے جس شخص کو ڈرنا نہیں آتا
جواں مردوں ہی کا ہے کام قطع راہ حریت
کہ اس منزل میں بزدل کو قدم دھرنا نہیں آتا
مقدر میں ہے اس کے عمر بھر پامال غم رہنا
جسے پامالیٔ ملت کا غم کرنا نہیں آتا
اسے زندہ نہ سمجھو سانس ہے گو جس کے سینے میں
مگر آزادیٔ ملت کا دم بھرنا نہیں آتا
بقول حضرت اکبر فنا میں ہے بقا مضمر
اسے جینا نہیں آتا جسے مرنا نہیں آتا
|
This work is now in the public domain because it originates from India and its term of copyright has expired. According to The Indian Copyright Act, 1957, all documents enter the public domain after sixty years counted from the beginning of the following calendar year (ie. as of 2024, prior to 1 January 1964) after the death of the author. | 
|