اوچك قوشلر

اوچك قوشلر محرری: رضا توفيق

اوچك قوشلر

اوچك قوشلر اوچك دوغديغم يره ؛

شمدى داغلرنده مور سنبل واردى ..

ورمانلر قويننده بر سرين دهره .

ديكنلر ايچنده صارى كل واردى ...

اوچاى آغير آقار ، يورغونمى بيلمم !

مهتابى حسته مى ، صولغونمى بيلمم !

ياسلى كلين كبى محزونمى بيلمم !

يوجه داغ باشنده سياه تول واردر...

قورده كچدى بنم كوزه ل كونلرم

او دملرى آكوب بو كون ايكلرم ؛

دستان عمريمى اوقور ديكلرم ؛

ايچمده اورالى بر بلبل واردر...

اوچك قوشلر اوچك .. بورده وفا يوق ؛

اويله آقار صولر ، اويله هوا يوق ؛

فرياديمه قارش عكس صدا يوق ؛

بو يانغين يرنده صوغوق كول واردر ..

هى رضا ، كدرك باشكدن آشغين ؛

بيتوب توكنمه يور الم عشقك ؛

سنده دريا كبى دائما طاشقين ،

دائما چالقانير بر كوكل واردر...

رضا توفيق

Türkçe: tr:Uçun Kuşlar