اوہ جنازہ میرا ویکھن آ گئے
اوہ جنازہ میرا ویکھن آ گئے
دشمناں دے گھر سیاپے پا گئے
وچو وچ میں جہڑے غم کھاندا رہیا
اوہا آخر کار مینوں کھا گئے
دُور رہ کے رہن والے دل دے کول
کول آکے کنیاں کترا گئے
کس طرح ہتھوں نکل جاندا اے دل
اک اشارے نال اوہ سمجھا گئے
اوہناں دے نیڑے کوئی آوے نہ غم
اپنا غم جہناں نوں سوہنے لا گئے
روندیاں اکھاں اجے نہ سُکیاں
غم دے بدل سِر تے چھا گئے
اللہ اکبر، کس بلا دی اے ہوا
آشیانے وجد اندر آگئے
فضل جے آیا نہیں خط دا جواب
شکر کر واپس کبوتر آگئے
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|