اوہ راتاں چنگیاں سن دن بھلے سَن
اوہ راتاں چنگیاں سن دن بھلے سَن
میرے دل نوں جدوں جھکھڑ تیرے سَن
اوہ میلاں تے وجوگاں وچ نہ آئے
اُڈیکاں تیریاں وچ جو مزے سَن
گئے چھڈ عشق وچ سنگی تے ساتھی
خدا دی ذات دے بس آسرے سَن
نہ مُکا عمر وچ زلفاں دا قصہ
بڑے لمیں سلمیں سلسلے سَن
بھلا کنج اوہ نہ اج جی بھر کے روندا
شروع میری وفا دے تذکرے سَن
ہجر نے یار دَسے آن مینوں
جو دُشمن نال تیرے مشورے سَن
محبت وچ اے اوہ بھی دَور ڈِٹھا
زیاناں وچ جدوں کجھ فائدے سَن
تیرے سودائی جتھے جا کھلوتے
بس اوتھے رونقاں سَن جمگھٹے سَن
خدا دا فضل سی جس نے نبھایا
میرے کیہ عشق دے وچ حوصلے سَن
|
This work is now in the public domain in Pakistan because it originates from Pakistan and its term of copyright has expired. According to Pakistani copyright laws, all photographs enter the public domain fifty years after they were published, and all non-photographic works enter the public domain fifty years after the death of the creator. | 
|