اگر الٹی بھی ہو اے مشرقیؔ تدبیر سیدھی ہو
اگر الٹی بھی ہو اے مشرقیؔ تدبیر سیدھی ہو
مگر یہ شرط ہے انسان کی تقدیر سیدھی ہو
سمجھ میں آئے بھی کیا کہتے ہیں اور کیا وہ لکھتے ہیں
اگر تقریر سیدھی ہو اگر تحریر سیدھی ہو
وہ آ کر خواب میں اک بوسہ رخ کا دے گئے مجھ کو
یقیں مجھ کو نہیں اس خواب کی تعبیر سیدھی ہو
کجی اے مشرقیؔ ہو دور کیوں کر کج مزاجوں کی
نہیں ممکن کہ پشت آسمان پیر سیدھی ہو
|
This work was published before January 1, 1929, and is in the public domain worldwide because the author died at least 100 years ago. |