ایلاهی طبیبین کنیزین خسته‌لیگینی تعیین ائتمه‌سی و شاها بیلدیرمه‌سی
| ایلاهی طبیبین کنیزین خسته‌لیگینی تعیین ائتمه‌سی و شاها بیلدیرمه‌سی یازار: مولوی |
ائله کی، سیرری تاپدی، نورلو مئهریبان حکیم،
کنیزین چوهره‌سی تئز، آچیلدی بیر گول تکین.
طبیب آیاغا قالخدی، گئتدی شاه اوتاغینا،
شاهی آگاه ائیله‌دی، دردی سؤیله‌دی اونا.
شاه حکیمه سؤیله‌دی:ایندی تدبیرین نه دیر؟
دردی یوخ ائتمک اوچون، یئنی تعبیرین نه دیر؟
دئدی: تدبیر اودور کی، زرگری گتیرک بیز،
دردین موعالیجه‌سینه، اونو مجبور ائدک بیز.
بیر قاصید گؤندریلسین، اونا خبر وئریلسین،
طلب ائدیلسین اوندان، کی، او بورایا گلسین.
او زرگر کیشینی سن، چوخ-چوخ اوزاق شهردن،
قیزیل خلعت وئره‌رک، سیراب ائیله سن زردن.
سیم-و-زر گؤرسه، همین تاماه‌کار اولان جاوان،
آیریلار وطنیندن، اولار بیزه او مئهمان.
آغلی کم اولان کسی، زر تئزجه والئه ائدر،
خصوصن موفلیس اولسا، سئوینج‌دن آغلی گئدر.
قیزیل تاپماق قازانماق، چوخ دا دئییل‌دیر آسان،
زر تاپماق آسان اولار، عاغیل‌لی‌دیرسا اینسان.