بھائیاں بھابیاں چا جواب دتا
بھائیاں بھابیاں چا جواب دتا
سانوں وطن تھیں چا تراہیو نیں
بھوئیں کھوہ کے باپ دا لیا ورثہ
مینوں اپنے گلوں چا لاہیو نیں
مینوں مار کے بولیاں بھابیاں نے
کوئی سچ نہ قول نِباہیو نیں
مینوں دے جواب چا کڈھیو نیں
ہل جو کیارڑا واہیو نیں
رل رن خصماں مینوں ٹھٹھ کیتا
میرا عرش دا کِنگرا ڈھائیو نیں
نِت بولیاں مار دیاں جا سیالیں
میرا کڈھنا دیس تھیں چاہیو نیں
اسیں ہیر سیال دے چاک لگے
جٹی مہر دے نال دل پھائیو نیں
ہُن چھٹیاں لکھ کے گھلیاں نیں
راکھا کھیتڑی نوں جدوں چاہیو نیں
وارثؔ شاہ سمجھا جیٹٹیاں نوں
ساڈے نال متھا کیہا ڈاہیو نیں
|
This work was published before January 1, 1929, and is in the public domain worldwide because the author died at least 100 years ago. |