بھابی رزق اداس جاں ہو ٹریاں
بھابی رزق اداس جاں ہو ٹریاں،
ہن کاس نوں گھیڑ کے ٹھگدیاں ہو
پہلے ساڑ کے جیو نمانڑے دا،
پچھوں بھلیاں لاونے لگدیاں ہو
بھائی ساک سن سو تسیں وکھ کیتے،
تسیں ساک کیہ ساڈیاں لگدیاں ہو
اسیں کجڑے روپ کروپ والے
تسیں جوبنے دیاں نئیں وگدیاں ہو
اساں آب تے طعام حرام کیتا
تسیں ٹھگنیاں سارڑے جگ دیاں ہو
وارث شاہ اکلڑے کیہ کرنا،
تسیں ست اکٹھیاں وگدیاں ہو
|
This work was published before January 1, 1929, and is in the public domain worldwide because the author died at least 100 years ago. |