بے وفا تجھ سے کچھ گلا ہی نہیں
بے وفا تجھ سے کچھ گلا ہی نہیں
تو تو گویا کہ آشنا ہی نہیں
یا خدا پاس یا بتاں کے پاس
دل کبھو اپنے ہاں رہا ہی نہیں
دل سے جو چاہئے سو باندھئے بات
میں نے واللہ کچھ کہا ہی نہیں
تیرے کوچہ سے آہ جانے کو
دل نہیں یا کہ اپنے پا ہی نہیں
یاں تغافل میں اپنا کام ہوا
تیرے نزدیک یہ جفا ہی نہیں
نامے بلبل نے گو ہزار کئے
ایک بھی گل نے پر سنا ہی نہیں
کچھ نہ ہوتا اثرؔ اثر اس کو
بھلے کو نالہ تو کیا ہی نہیں
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse