تری نگاہ کی انیاں جگر میں سلیاں ہیں
تری نگاہ کی انیاں جگر میں سلیاں ہیں
نجانوں کون سے زہر آب بیچ پلیاں ہیں
اُدھر سیں تند نگاہیں ادھر دل نازک
کدھر کے تیر کی چوٹیں کدھر کوں چلیاں ہیں
خیال غنچہ دہن میں ز بسکہ جاری ہے
ہمارے اشک کی لڑ موتیے کی کلیاں ہیں
زبان حال سیں کہتا ہے ان کا نقش قدم
بہشت دیدہ و دل خوش قدوں کی گلیاں ہیں
نہ پوچھ سرو کا ان قمریوں کوں خاک نشیں
وو شعلہ قد کے دکھوں اے سراجؔ جلیاں ہیں
|
This work was published before January 1, 1929, and is in the public domain worldwide because the author died at least 100 years ago. |