جب مے لالہ فام ہوتی ہے
جب مے لالہ فام ہوتی ہے
مجھ کو توبہ حرام ہوتی ہے
خوبرو وہ ہے جس کی خو اچھی
شمع صورت حرام ہوتی ہے
یہ سنا ہے کہ برہمن سے بھی
شیخ کی رام رام ہوتی ہے
تیرا وعدہ ہے کس قیامت کا
رات دن صبح و شام ہوتی ہے
ہجر کا دن ڈھلے تو ہم جانیں
صبح کے بعد شام ہوتی ہے
پہلے اے داغؔ کچھ نہ ہوش آیا
دل کی اب روک تھام ہوتی ہے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse