جس کوں ملک بے خودی کا راج ہے
جس کوں ملک بے خودی کا راج ہے
ہے زمیں تخت اور بگولا تاج ہے
خواب میں وو زلف مشکیں دیکھناں
حق میں میرے لیلۃ المعراج ہے
دیکھ کر لشکر غنیم عشق کا
کشور عقل و خرد تاراج ہے
اے طبیب مہرباں بیمار ہجر
شربت دیدار کا محتاج ہے
یار کی آنکھوں میں ہے جیسی حیا
چشم نرگس میں کہاں یہ لاج ہے
اس کماں ابرو کے تیر ناز کا
سینہ چاکوں کا جگر آماج ہے
دل مرا تجھ غم سیں اے جان سراجؔ
بیشتر بے تاب کل سیں آج ہے
|
This work was published before January 1, 1929, and is in the public domain worldwide because the author died at least 100 years ago. |