جو گی رکھ کے انکھ تے نال غیرت
جو گی رکھ کے انکھ تے نال غیرت
کڈھ اکھیاں روہ تھیں پھُٹیا ای
ایہہ ہیر دا وارثی ہو بیٹھا
چا ڈیریوں سواہ وچ سُٹیا ای
سَنے جُتیاں چونکے وچ آ وڑ یوں
ساڈا دھرم تے نیم سبھ پُٹیا ای
لتھ پتھ کے نال نکھٹیائی
کُٹ پھاٹ کے کھوہ وِچ سُٹیا ای
بُرا بولدا نِیر پلَٹ اَکھیں
جیہا بانیا شہر وِچ لُٹیا ای
پکڑ سیدے نُوں نال پھہوڑ یاں دے
چور یار وانگوں ڈھاہ کُٹیا ای
کھڑ لت پھہوڑ یاں خوب جڑ یاں
دھون سیکیا نال نجھٹیا ای
دو ویں بَنھ باہاں سروں لاہ پٹکا
گنہگار وانگوں اُٹھ جٹیا ای
شانہ آئینہ کُٹ چک چُور کیتا
لنگ بھَن کے سَنگھ نُوں گھٹیا ای
وارثؔ شاہ خدا دے خوف کولوں
ساڈا روندیاں نیر نُکھٹیا ای
|
This work was published before January 1, 1929, and is in the public domain worldwide because the author died at least 100 years ago. |