جٹی بول کے دُدّھ دی کسر کڈھی
جٹی بول کے دُدّھ دی کسر کڈھی
سبھے اڑتنے پرتنے پاڑ سُٹے
پُنے داد پڑدادڑے جوگیڑے دے
سبھے ٹنگنے تے ساک چاڑھ سُٹے
مار بولیاں گالیاں دے جٹی
سبھ فقر دے پِتڑے ساڑ سُٹے
جوگی روہ دے نال کھڑ لت گھتی
دھول مار کے دند سبھ جھاڑ سُٹے
جٹی زمیں تے پٹڑے وانگ ڈھٹھی
جیہے واہرو پھٹ کے دھاڑ سُٹے
وارثؔ شاہ میاں جیویں مار تیشے
فرہاد نے چیر پہاڑ سُٹے
|
This work was published before January 1, 1929, and is in the public domain worldwide because the author died at least 100 years ago. |