دعا
| دعا محرری: محمد عاكف |
يا الهى ! بزه توفيقى گوندر . . .
- آمين
دوغرو يول هانگيسيدر٬ ملته گوستر. . .
- آمين
روح اسلامى شدائد صيقيور ، ئولديره‌جك .
ظلمى تأديب ايسه مقصود مهيبك گرچك ،
ناره يانسينمى برابر بو قدر مظلومين ؟
بى گناهز چوغمز . . ياقما الهى !
- آمين !
بوغيور عالم اسلامى بر آزغين فتنه ،
قطعه‌لر ، قاينايه‌رگيتدى او گرداب ايچنه !
محو اولان عائله‌لر بر سورو معصومڭدر ،
قالان آواره‌لرڭ حالى ده معلومڭدر.
ناصل اولماز كه تزلزل ويريور عرشه انين ؟
دينسين آرتق بو حزين ولوله يا رب !
- آمين
مسلمان ملكنى هر يرده فلاكت اوردى ..
بر بو طوپراق قاليور دينمز‌ڭ صوڭ يوردى !
بو ده چيگننديمى ، چيگنندى ديمك شاع مبين :
خا كسار أيله‌مه يا رب ، اونى اولسون . .
- آمين
والحمدلله رب العالمين . . .
محمد عاكف