دل سے کہہ آہیں نہ ہر آن بھرے
دل سے کہہ آہیں نہ ہر آن بھرے
کچھ جگر ہو تو دم انسان بھرے
خواہشوں کو میں کروں کیا اے صبر
گھر میں مفلس کے ہیں ارمان بھرے
ہم تو مژگاں کی نمط ہم چشموں
خالی ہاتھ آئے ہیں ارمان بھرے
اشک دانا ہے تو نظروں سے نہ گر
دامن اس دھبے سے نادان بھرے
ضبط روکے نہ تو دکھلاؤں آنکھ
پل میں پانی ابھی طوفان بھرے
چشم عشاق کے بر رو مت آ
اے صدف در نے ترے کان بھرے
گر وہ بت نام خدا گویا ہو
کلمہ کا دم نہ مسلمان بھرے
فوج الفاظ کی بھرتی ہے نسیمؔ
شعر پر کن سے ہیں دیوان بھرے
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse